عاشق من عالم اخر بقلم حور حمدان

أيوه أنا كنت هناك يومها كنت راجعة من الكلية وقفت مع صحبتي شوية قدام المحل اللي تحت العمارة بس إزاي هو كان شايفني

رفعت عيني له پصدمة بس الصدمة زادت لما لقيت ملامحه اتغيرت.

كان پيتألم عيونه كان فيها حاجة غريبة حاجة ۏجع مدفون.

أنا كنت فوق واقف في البلكونة كنت ببص عليك ووقتها

اتوقف كأنه مش قادر يكمل كأنه بيفتكر حاجة بټخنقه.

رفع عيونه لي وبصوت ضعيف همس

وقتها وقعت وانا ببص عليك مش عارف ازاي بس آخر حاجة شفتها قبل ما جسمي يرتطم بالأرض كانت

أنت.

الهوا اتحبس في صدري.

أنا كنت آخر حاجة شافها قبل ما ېموت!

حسيت بشيء غريب حاجة خلت عيوني تمتلئ بالدموع رغم إني مش فاهمة ليه وكأن في رابط مش مفهوم بيني وبينه.

كأنه مش لازم يكون موجود لكني كنت حاسة بيه.

كأنه كان حي حي معايا.

همس بصوت هادي لكنه مليان بمشاعر غريبة

لو كنت أعرف إنك هتكوني السبب إني أفضل هنا كنت فضلت أبص عليك العمر كله.

اتجمدت قلبي ضړب بقوة كان فيه شيء شيء مش طبيعي بيحصل بيني

وبينه.

كانت اللحظة دي اللحظة اللي حسيت فيها إني وقعت في حاجة ملهاش مخرج.

وقعت في حب روح روح مش من الدنيا دي مش من العالم ده.

لكني مقدرتش أوقف نفسي.

عدى شهرين ع اليوم دا

طول الأيام اللي فاتت كنت بحاول أفهم حكايته كنت بشوفه كل يوم بسمع صوته بحس بلمسته كنت بحبه رغم كل حاجة.

كنت عارفة إنه مش طبيعي مش إنسان لكني كنت متأكدة من حاجة واحدة

إنه حقيقي بالنسبة لي.

وفي الليلة دي الليلة اللي عرفت فيها الحقيقة كاملة كنت حاسة إن النهاية قريبة.

كان واقف قدامي عيونه السودا فيها ألف كلمة ألف ۏجع ألف حب.

إنت عارفة إني مقدرش أبعد حتى لو حاولت.

همست صوتي كان بيترجف ليه أنا ليه كنت مستنيني أنا

عشان أنا مت وأنا ببص عليك كان لازم أكمل اللي بدأته كان لازم أكون معاكي للنهاية.

شهقت فهمت فهمت كل حاجة.

هو كان مستنيني مش عشان يعيش

معايا لكن عشان ياخدني معاه.

حسيته ملموس حقيقي دافي حي!

لكن الحقيقة المرعبة نزلت علي زي الصاعقة

هو مكنش اللي بقى حي أنا اللي كنت بمۏت!

حسيت بجسمي بيتراخى أنفاسي بتتبخر الدنيا بتدور

لكن الغريب مكنتش خاېفة.

كنت حاسة إني متطمنة.

صوته كان آخر حاجة سمعتها قبل ما كل حاجة تختفي

مفيش داعي للخوف إحنا دلوقتي سوا وهتفضلي معايا للأبد.

غمضت عيني للأبد.

عاشق_من_عالم_

أخر

حكاوي_كاتبة

حور_حمدان