اسكريبت طفلة ملكت قلب الفهد كامل بقلم اسراء ابراهيم

لين قلبها دق وبصت لفهد بخجل كلامك بيوترني علي فكرة وعيب كدة انا بنت ناس ومؤدبة

ضحك فهد بصوت عالي ضحكة سمعت في قلب لين اللي ابتسمت بتلقائية وسرحت فيه

فهد بخبث انا عارف اني حلو بس مش اوي كدة يعني مش لدرجة انك تسرحي فيا

لين انتبهت لنفسها فقالت بهروب انت واخد مقلب

في نفسك يابني ده انت متجيش ربع توم كروز ها مبتتفرجش علي افلام ولا ايه

رفع فهد حاجبه وهو بيبص للين بصذمة وهي خافت من نظرته فجريت من قدامه بهروب

لين بسرعة انا بقول اروح اشوف المعازيم

فهد بزمجرة لييين اياكي تتكلمي مع حد انتي فاهمة ومتبعديش من جمبي وكلامي يتسمع فاهمة

لين بخبث طبعا يا سلام انا لازم اسمع كلامك مش زوجي قرة عيني

ابتسم فهد بتلقائية من اعتراف لين الصريح بأنه زوجها وهي اتوترت لما قالت كدة واتفاجأت بفهد

بيمسك ايديها وبيشبكها في ايده وخرجو سوا

كان فهد واقف في قمة غضبه وهو عنيه علي لين اللي رايحة جاية بين المعازيم كأنها حورية فعلا وده خلي الناس اتقبلتها وكانو مبسوطين بيها جدا وكانت متابعة ده وفرحانة بيه ماجدة عكس زهيرة اللي كانت قاعدة بتبص للين بغيظ وغضب هي ونوران بنتها

فهد قبض علي ايديه بغضب وهو شايف شاب من المعازيم بيقرب من لين وبيتكلم معاها ولقاها بتشاورله عليه فقرب منه الشاب واتكلم باحراج

الشاب باحراج ازيك يا فهد بيه اولا مبروك عالجواز ومعلش انا محضرتش لاني كنت مسافر ثانيا انا يشرفني اني اتقدم لبنت خالة حضرتك انا فاتحتها وهي قالتلي انك انت المسئول عنها

فهد بغضب مكتوم هي قالتلك كدة وقالتلك تطلب ايديها مني انا

الشاب باستغراب ايوة هو في حاجة

فهد بزمجرة في ان اللي حضرتك بتطلبها مني مراتي ها ايه رأيك

الشاب بصذمة انا اسف حقيقي معرفش يا خبر بعد اذنك

مشي الشاب وفهد بص للين اللي بصتله وابتسمت بخبث بس فهد مقدر

ماجدة بابتسامة عملتي ايه بس يا لين شكله متعصب اوي

لين بخوف جالي عريس فقولتله يروح يطلبني منه

ماجدة بصذمة انتي بتتكلمي جد وليه تعملي كدة هو في راجل يقبل علي مراته ان راجل تاني يطلبها منه

لين بتوتر ماهو انا كنت بهزر بس معرفش انه هيتعصب بجد

ماجدة بقلق طب اطلعي علي اوضتك وانا هحاول اهديه عشان ابني مجنون انا عارفة وممكن يتهور ويفىضحنا هنا

لين سمعت كلام ماجدة وطلعت تجري علي فوق تحت نظرات فهد اللي كان متابعها بغضب اعمي وكان هيطلع وراها بس نفخ بغضب وراح لامها اللي كانت بتنادي عليه

كانت طالعة لين تجري

عالسلم وقبل ما تدخل اوضتها وقفت لما سمعت صوت منال مرات اخوها

منال بسخرية اهلا يا عروسة طب ما تقولي ادي شوية من العز

ده لمرات اخويا اللي كانت السبب فيه اخس بجد

لين بغضب انتي كمان ليكي عين تيجي هنا بعد ما بعتيني وخليتي اخويا يبيعني بالفلوس عاوزة ايه تاني

منال بغضب عاوزة حقي في العز اللي انتي عايشة فيه كلمي جوزك ابن الهانم يديكي فلوس والا زي ما جوزتهولك هطىلقك منه وقدام الناس دي كلها اللي تحت هقول كل حاجة والاتفاق اللي كان بيني وبين الهانم الكبيرة

لين بدموع لا والنبي اوعي تعملي كدة ارجوكي لو سمحتي هعملك اللي انتي عاوزاه بس متعمليش كدة

منال بفرحة خلاص تعملي اللي قولتلك عليه واكيد ابن الهانم مش هيستخسر فيكي قرشين

لين بقهرة بس ممكن يفتكر اني بلعب عليه واني طمعانة فيه

منال ببرود مش مشكلتي ربع ساعة والاقيكي جاية تحت في الجنينة ومعاكي المطلوب والا انتي عارفة بقي

نزلت منال بعد ما خلصت كلامها مع لين اللي كانت منهارة ومش عارفة تعمل ايه وقبل ما تخرج من الڤيلا اتقاجأت بفهد بيقف قدامها

فهد بلهفة في ايه مالك يا لين ايه اللي حصل حد ضايقك

لين بشحتفة مرات اخويا يا فهد جاتلي هنا وقالتلي انها زي ما جوزتني منك هتخليك تطىلقني لو ماخدتش منك فلوس واديتهالها انا والله مش طمعانة فيك ولا متفقة معاها اوعي تفتكر اني وحشة صدقني انا

لين بشحتفة انا كنت طالعة استخبي منك ولقتها هنا وهددتني انها هتخليني ارجع تاني ليها لو منفذتش بس انا مش عاوزة امشي من هنا ارجوك اوعي تسيبني يا فهد انا بحبك

فهد وقلبه بيدق جامد لين انتي قولتي ايه